A militáncia juvenil leva semanas trabalhando arreio num evento marcado em vermelho na nossa agenda política, nom só polo desafio que supóm desenvolver um concerto completamente auto-gerido, mas também polo entusiasmo com que acolhemos umha jornada que com os anos se vai consolidando entre a juventude independentista galega.

Com o inestimável apoio de numerosas hosteleiras/os e do pequeno comércio aos que agradecemos imensamente a sua colaboraçom ano trás ano com esta iniciativa, BRIGA compraze-se de poder oferecer novamente à mocidade galega um concerto no que o compromisso e a rebeldia som o pano de fundo da oferta musical.

Orgulhamo-nos pois de contar este ano com três grupos galegos e mais um vindo de Euskal Herria:

Malas herbas, jovens vind@s do centro da Galiza avançam na sua andaina musical e achegarám-nos o seu “punk-rock rodeiro” (https://www.facebook.com/malas.herbas ).

Os conhecidos Ultraquans oferecerám o seu repertório alegre e retranqueiro ótimo para a troula (http://www.ultraqans.net/)

Nao, a banda musical na moda na Galiza, estará com nós em plena efervescência do seu “Apocalipse nao” (http://www.nao.gal/)

E desde Euskal Herria, Oliba Gorriak, trazerá o seu combativo puck-rock marcadamente socialista, independentista e feminista (http://www.olibagorriak.info/)

Nos próximos dias iremos achegando mais informaçom dos grupos e do concerto com o que podedes colaborar economicamente mercando umha rifa solidária por 1€, optando assim ao sorteio dum pacote de material dos grupos, umha camisola e o Manual da Jovem Militante editado por BRIGA.

Esperamos-vos!