Os motivos que nos levam a esta situaçom som varios, entre eles a debilidade do coletivo, as dificultades para contar coa participaçom de desportistas, falta de apoios... ante esto vimos impossível realizar um ano máis a já clásica jornada de natal. Consideramos importante trasladar esta decissom dumha forma clara e nítida, mas também consideramos vital continuar a reivindicar o que é nosso, o direito a competir de igual a igual co resto de Povos do mundo.

De maneira lógica, o Coletivo é umha expressom dumha necessidade e dumha vontade popular, motivo polo qual, para a sua continuidade precisa-se dumha implicaçom social. Por esso animamos a todas e todos a participar de forma ativa da vida do coletivo e a dinamizar ao mesmo.

Assim, co começo do ano 2015 pretendemos celebrar umha assembleia aberta para dar cabida a todas aquelas pessoas interessadas em participar do Coletivo, por esso em próximos dias anunciaremos a data exata de dita assembleia.

Nom se pode negar que para nós supom umha mágoa nom celebrar esta jornada, mas aguardamos que esto seja umha oportunidade para voltar a colher força no caminho da oficialidade para a Galiza.

Aguardando poder ver-nos em próximos atos e atividades a prol das nossas selecçons nacionais.

GALIZA OFICIALIDADE!!