Convidada pola esquerda independentista catalá, NÓS-Unidade Popular informou nas redes sociais da sua presença no dia 9 na Catalunha, para se pôr às ordens do movimento independentista catalám e colaborar para o êxito da jornada, apesar da antidemocrática proibiçom espanhola. Dous membros da sua Direçom Nacional, Carlos Morais e Iago Moreno, integram a delegaçom independentista galega, convidada polas CUP.
Por seu turno, o BNG e Anova, organizaçons políticas nacionalistas, anunciárom também o envio de representantes das respetivas direçons para participar na jornada de consulta sobre o futuro da Catalunha. A primeira delas foi convidada por ERC e polas CUP, segundo informa no seu site. Ana Miranda, Camilo Nogueira e André Abal formarám a sua delegaçom. Quanto à Anova, essa organizaçom informa também no seu site do convite remetido polas CUP, ao qual respondem enviando os seus dirigentes Antón Sánchez e Xiana López.
