O acto consistirá na proxección do documental "Adeu, Espanya?" e as posteriores intervencións de Pere Tobaruela e Xavier Coma, membros da ANC Galiza, e un posterior debate. Desenvolverase no Centro Socio Cultural Daniel Castelao de Quintela, Moaña, ás 20h.

A ANC é unha entidade nacida da sociedade civil catalá que traballa pola emancipación da nación catalá e está constituída en Galiza por catalás e cataláns residentes entre nós. Organizan este acto para dar a coñecer de primeira man a posición dos que defenden o proceso soberanista en Catalunya, e solidarizarnos con ese pobo e a inmensa maioría das súas organizacións, apoiando o seu dereito elemental e democrático a decidir.