A escolha dumha das mais destacadas figuras do soberanismo galego nom é por um casual. Esta homenagem quer servir para destacar as arestas inassumíveis por Espanha do patriota galego e reivindicar o princípio irrenuncíavel da “auto-organizaçom nacional”.
Rianjo acolhe atividades
O ato central terá lugar na vila natal de Castelao, concretamente no Passeio da Ribeira.
Sob a legenda “Castelao: Confiando na força do nosso povo”, NÓS-UP realizará um comício sábado 11 de outubro às 13hs.
Intervirám o historiador Uxío-Breogán Diéguez Cequiel, Eva Cortinhas, porta-voz nacional da organizaçom juvenil BRIGA e a porta-voz nacional de NÓS-UP Rebeca Bravo.
A iniciativa contará com umha oferta floral e a intervençom musical de Xosé Constenla. Posteriormente terá lugar um jantar de confraternizaçom num restaurante próximo.
Caderno Biográfico de Castelao
Nos próximos dias sairá do prelo um caderno com a biografia de Castelao que será distribuido a 1€. Também nos próximos dias estará disponível em formato digital.
Homenagem a Lola Castro
No cemitério da paróquia de Meirás, em Valdovinho, também terá lugar no dia 10 de Outubro às 20h00 umha oferta floral para lembrar à militante do Exército Guerrilheiro do Povo Galego Ceive (EGPGC) Lola Castro Lamas “Mariana”, quem acompanhada por José Vilar Regueiro “Marcos”, falecia na madrugada de 11 de outubro de 1991, ao fazer-lhes explosom acidentalmente um artefacto destinado a combater os interesses do narcotráfico na Galiza.