Desta maneira, o decreto de convocatória do referendo e a Lei catalá que o abriga ficam suspensas, forçando o decrépito Estado espanhol as vias legais que a sua antidemocrática legislaçom prevê e o máximo tribunal político ao seu serviço.
O autoritarismo e a intransigência, principais traços definitorios da essência do Estado espanhol, terám que ser enfrentados mais umha vez com decisom e firmeza polo povo catalám.
Nestes tempos de esperança será fulcral a reivindicaçom, combatividade e luita nas ruas das camadas populares e a classe trabalhadora catalá no seu conjunto para dar umha resposta contundente perante o desafio histórico que tenhem em frente.
O caduco Estado espanhol e o seu regime apodrecido e em processo de descomposiçom sabe que com esta manobra, no melhor dos casos, nom fai mais que ganhar tempo.
Tem-se demonstrado que o processo independentista no Principat cresce com cada atentado e agressom que se produz contra a sua liberdade e soberania. O imperialismo espanhol e as forças que lhe dam cobertura caminham face à sua derrota na Catalunha, pois a repressom e a coerçom nom poderám frear as ánsias de liberdade da maioria consciente de um povo.
É neste cenário que NÓS-Unidade Popular participará nas numerosas mobilizaçons previstas para esta terça-feira por toda a Galiza. A nossa organizaçom e a nossa pátria enviarám umha fraternal mostra de apoio e solidariedade com o irmao povo catalám perante esta agressom.
Visca Catalunya lliure!
Direçom Nacional de NÓS-Unidade Popular
Galiza, 30 de setembro de 2014