Este apoio ganha maior releváncia nesta ediçom, perante o referendo previsto para 9 de novembro, no qual o povo catalám decidirá o seu futuro.

Como nas duas ediçons anteriores, que supugérom um grande salto qualitativo e quantitativo, da Galiza aguardamos que esta nova Diada Suponha mais um novo passo no firme caminhar para a definitiva independência do povo catalam.

Frente à intransigência e autoritarismo enquadrado na constante coerçom e ingerência do Estado espanhol para evitar o direito a decidir da Catalunya, será fulcral e decisiva a mobilizaçom, pressom e combatividade das camadas populares.

Só assim poderám ser desmontadas as distintas manobras que o decrépito regime espanhol emprega para evitar que se concretize a sua atual desintegraçom, sendo a independência da Catalunya a chave desse processo.

É neste cenário que NÓS-Unidade Popular estará presente na Diada por meio do seu Responsável Nacional de Organizaçom, acompanhando o povo catalam e as organizaçons irmás da Catalunya.

O imperialismo espanhol e as forças do regime que lhe dam cobertura vam caminho da derrota no Principat. Os obstáculos nom farám mais que reforçar os posicionamentos independentistas que o caduco Estado espanhol pretende combater e afogar.

Esperamos que a independência da Catalunya seja umha realidade e contribua para que o resto dos Paísos Cataláns, assim como o conjunto de naçons oprimidas por Espanha impulsionemos os nossos próprios processos de ruptura.

Direçom Nacional de NÓS-Unidade Popular

Galiza, 10 de setempbro de 2014