Na quinta 4 de junho às 8h30 no CS O Pichel de Compostela haverá, coorganizado pola Gentalha do Pichel e a Associaçom Vespera de Nada, umha jornada para falar e pensar sobre o pico do petróleo e a necesidade inmediata do descenso energético.

O evento terá ainda a projeçom do filme 'Nom há amanhá', na sua versom original em inglês legendada em galego, um documentário de 34 minutos que trata sobre o esgotamento dos recursos e a impossibilidade de um crescimento ilimtado num planeta com limites.

Já em Ferrol e no dia seguinte, o outro grande centro social do país, a Fundaçom Artábria, abrigará às 20:30 h a apresentaçom o livro "O pequeno é grande", da autoria de Xoám Carlos Carreira e Emilio Carral. O lançamento do livro, editado pola Através editora, será apresentado pol@s companheir@s do Coletivo Pumido ao Natural de Ferrol.

O Pequeno é grande. A agricultura familiar como alternativa: O caso galego é um novo número da coleçom Através das Ideias focado na importáncia da agricultura em pequena escala. Umha combinaçom de revisons bibliográficas, investigaçons e conclusons próprias dos autores, hipóteses e ideias prospetivas, que tenciona apresentar um conjunto de ideias e propostas para impulsar um debate necessário na nova fase que deverá começar para a agricultura galega.

A Artábria organiza inúmeras atividades ao longo do ano, e noutra linha muito diferente da anterior celebra hoje precisamente (30 de maio) um concurso de tortilhas de patacas.