Varias voces vinculadas con ese sector, dentro de Galiza, comezaron a ver a falta de claridade comunal, exposición horizontal e apertura creativa que tal proceso implicaba dentro do ámbito galego da creación escénica, malia o discurso dos organizadores tentar facer ver o contrario, a saber, que o evento Escenas do cambio era revolucionario e profundamente transformador da nosa situación cultural e creativa con relación ás artes escénicas.

O IGAPA (Instituto Galego de Praxe Actual), colectivo desterritorializado e contrahexemónico no que están involucrados múltiples actores sociais galegos relacionados coas praxes artísticas, emitiu un comunicado no día 4 de marzo dando a coñecer a súa postura con relación á que consideran é unha mala práctica cultural dentro dun contexto pauperizado como é o da xestión e creación cultural galega.

Axóuxere, facéndose eco do chamado, pon a disposición os seus medios e envía a todos os seus contactos esta información, coa intención de que a crítica (con carácter realmente transformador) aconteza neste pequeno lugar do mundo.