Por volta das 16h da tarde, militância chegada de diferentes localidades do País juntamo-nos na sala de atos do CS A Gentalha do Pichel, em Compostela e dimos comezo à assembleia:
Após umha mensagem de boas-vindas por parte dumha militante da comarca aprovarom-se o regulamento e o Informe de Gestom tras a ratificaçom do máximo órgao de decissom das emendas existentes e elegeu-se a mesa encarregada de presidir a Assembleia.
Umha vez concluído isto, procedeu-se ao debate e posterior aprovaçom por parte da Assembleia das Teses Políticas e Organizativa.
Nas Teses políticas aprovadas, recolhemos a necessidade de continuar no processo que nesta altura está aberto entre o estudantado galego com o objetivo de constituir umha nova ferramenta orgánica unitária na que nos poidamos juntar e organizar todo o estudantado que trabalhamos por um ensino público, galego, democrático e nom patriarcal. Ferramenta que achamos necessária para, desde o campo do soberanismo, o anticapitalismo e o feminismo como eixos fundamentais, conseguirmos esse sistema educativo que temos como objetivo. Mas, após o análise da atual situaçom, concluímos que nom estamos dispost@s a chegar a tal unidade em troca de eliminar todo mensagem ideológica de dita organizaçom, entendemos que a unidade do estudantado so é util se a ferramenta criada é util, o qual conleva que esta tenha os seus principios ideológicos claros, baseados no ponto de construçom nacional, no avanço a umha nova sociedade e na eliminaçom do patriarcado.
Com esta parte resolta, levou-se a cabo a eleiçom da nova Direçom Nacional da organizaçom e ficarom aprovadas as Resoluçons da Assembleia, que reproduzimos a seguir:
- A IX Assembleia Nacional de AGIR quer expressar a sua profunda preocupaçom polo aumento da violência contra as mulheres, manifestado nos últimos meses nos múltiplos feminicídios no nosso País e no resto do Estado. Entendemos que a auto-organizaçom das mulheres é a melhor arma para luitar contra o sistema patriarcal e a sua violência estrutural que pretende acalar e submeter às mulheres obreiras, para dar continuidade à exploraçom de género e alimentar o discurso que a fai viável. Queremo-nos vivas!
- O estudantado organizado em AGIR reitera o seu rechaço à política penitenciária do Espanhol, que mantém torturad@s e dispersad@s a milheiros de quilómetros das suas casa a quase umha dezena de pres@s independentistas galeg@s. Cada vez som mais as pessoas vítimas do disparate legislativo imperante e para todas ellas exigimos a sua imediata posta em liberdade. Que voltem para a casa!
- Do máximo órgao de decisom de AGIR fazemos pública a nossa preocupaçom pola escalada repressiva e o macro-recorte em direitos sociais que o atual governo do PP está a levar a cabo, nomeadamente com a Lei Mordaça. Nos últimos meses nós própri@s vivemos nas nossas carnes, como já estamos acostumad@s, essa brutal repressom, mas mantemo-nos firmes no nosso compromisso com as luitas populares. Agora mais que nunca há que fazer valer a consigna de “a sua repressom nom nos vai parar!”.
- AGIR transmite o seu apoio aos povos que luitam pola sua emancipaçom e contra fascismo e o imperialismo dos EEUU, a NATO ou a UE, entre outras, que estám a levar a guerra a diversos pontos do globo, especialmente à Crimeia, Síria, Iraque, Venezuela, Curdistám, Palestina, etc. Para todos eles enviamos um forte saúdo internacionalista.
- Da nossa organizaçom queremos lembrar os 43 estudantes mexicanos assassinados, no que foi um crime de estado em toda regra. Comprovamos mais umha vez como o estudantado organizado é umha peça essencial nos movimentos sociais de transformaçom radical da sociedade, e por isso se nos reprime, se nos sanciona, se nos encarcera e se nos mata.
- Nesta AN de AGIR amosamos a nossa alegria polos avanços que se estám a da no processo soberanista catalám. A esquerda independentista tem um papel de vital importáncia nele e confiamos no seu saber fazer tal e como nos tenhem demonstrado durante anos de luita na rua. Especialemnte queremos parabenizar e enviar folgos às/aos noss@s companheir@s catalás/áns do SEPC, que afrontam um momento histórico decisivo. Independência para mudá-lo todo!
- AGIR tem umha mençom especial para a que foi durante 14 anos a nossa organizaçom política de referência, Nós-Unidade Popular, que decidiu a sua disoluçom neste passado verao. Queremos reconhecer a sua labor e as suas grandes contribuiçons ao que ainda é a pequena história do independentismo galego. Estamos orgulhos@s de ter feito parte do mesmo movimento de libertaçom nacional, e aguardamos seguir avançando na construçom da ferramenta de emancipaçom nacional e social de género para as galegas e galegos.
- Esta AN resolve enviar os seus melhores desejos para o próximo VI Congresso Nacional de BRIGA, que se celebrará no próximo mês. Esperam-nos tempos de estreitar a colaboraçom entre estudantes e jovens obreiras, arredor dum projeto que temos que contribuir a afortalar e difundir. Com BRIGA na rua a luita continua!
Para acabar o evento tivo lugar o ato de fechamento com o canto do Hino nacional da Galiza e a Internacional.
Umha vez acabada a AN, celebramos o XV aniversário da organizaçom celebrando umha ceia que juntou a atual militância e parte da antiga, ademais de contar com duas delegaçons das outras organizaçons estudantís galegas: Liga Estudantil e Comités, às quais agradecemos a sua presencia.
Nessa ceia projetou-se um video resumo da nossa atividade nestes 15 anos de vida, que ser pode ver na seguinte ligaçom: