1 1 1 1 1 1 1 1 1 1 (3 Votos)

tofight2Galiza - Diário Liberdade - Com a legenda "Forum to fight, against capitalista education", organizaçons estudantis das naçons oprimidas polo Estado espanhol lançárom um manifesto e vídeos promocionais da campanha conjunta.


 O Fórum Europeu Estudantil vai decorrer em Euskal Herria no próximo mês de fevereiro de 2016, contando com a participaçom de entidades de estudantes das naçons sem Estado peninsulares.

Pola Galiza, participam AGIR e a Liga Estudantil Galega, organizaçons independentistas de estudantes.

A seguir, reproduzimos o manifesto e os dous vídeos de promoçom das iniciativas em curso, orientadas a combater coletivamente a mercantilizaçom do ensino superior e a conceçom capitalista da educaçom, que vem impondo-se aceleradamente em todo o continente.

Além de AGIR e LEG, participam nas iniciativas estudantis as organizaçons Ikasle Abertzaleak (Euskal Herria), SEPEC (Países Cataláns), SAT Juventud (Andaluzia), Xunta Estudantil Asturiana, Yesca (Castela) e Seira (Aragom).

A seguir, apresentamos os vídeos da campanha e o manifesto:

Manifesto

As organizaçons das naçons oprimidas polo Estado Espanhol fazemos juntas um novo apelo, com o objetivo de juntar as vozes das estudantes da Europa, e fazer chegar umha mensagem alta e clara tanto para a Uniom Europeia, como para a sociedade da Europa.

O Processo de Bolonha deixou aberto claramente um caminho: privatizar cada vez mais as universidades públicas da Europa, realizando umha subida de taxas, reduzindo conteúdos académicos, dando mais protagonismo aos interesses privados nos órgaos universitários, e um largo et cétera. Quando víamos que o Plano Bolonha se achegava, as estudantes europeias decidimos unir as nossas vozes e realizar varias açons em conjunto: entre outras, organizamos fóruns internacionais e protestas conjuntas, e até assinamos um manifesto estudantil, no fórum estudantil que foi realizado em Bakaiku (Euskal Herria), no ano 2006, concretamente.

Hoje em dia, estamos a ver que tanto a Uniom Europeia como os estados membros estám a tentar aprofundr o caminho aberto por Bolonha. A Estratégia Universitária 2015 (EU2015) é um claro exemplo disso : é a nova reforma que o Estado espanhol quere aplicar nas universidades, com o pretexto das ordens que chegam da Europa. Embora o nome de EU2015 só seja utilizado no Estado espanhol, somos testemunhas de como estám a ser tomadas as mesma medidas em todos os povos da Europa: o sistema 3+2, o predomínio das forças privadas nos órgaos universitários, etc. Basicamente, busca-se transformar as universidades, para que deixem de supor um serviço público e passem a criar a classe trabalhadora precária que responderá aos interesses do mercado.

Por todo isto, as estudantes das naçons oprimidas polo Estado espanhol temos identificado a urgente necessidade de somar as vozes das estudantes e construir umha firme unidade entre todas, porque somos conscientes de que a uniom nos fai fortes. Portanto, queremos anunciar que organizaremos um Fórum Estudantil Europeu, que se realizará nos dias 26, 27 e 28 de fevereiro de 2016, e que terá Euskal Herria como ponto de encontro (a regiom de Aiaraldea).

Com o internacionalismo, construamos o poder estudantil!
Avante o estudantado da esquerda independentista galega!


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.