Foto do Diário Liberdade - Manifestaçom polo galego em Compostela.
Entre essas conclussons,a da "lusofonia como renovada oportunidade" umha "sessom otimista que avaliou como muito importante facilitar a aproximaçom das culturas lusófonas de umha focagem genuinamente galega que permita evidenciar essa renovada oportunidade". Nas conclussons finais fai-se referência às possibilidades que o acesso a meios audiovisuais abrem nesse sentido, e considera-se "necessária a toleráncia ortográfica, sem discriminaçons da lusografia (sic.) e con maior democracia na convocatória de prémios". A AELG explica que o veto atual a todas as vozes reintegracionistas "impede a difussom de umha parte já importante da nossa literatura".
A oralidade, central nas conclussons da AELG
As conclussons da AELG figêrom fincapé em todo o que envolve a oralidade, mesmo a sua relaçom com a literatura dramática. Para a AELG "a língua oral é a base da nossa cultura e a raíz do nosso sistema literário" e "o prestígio social da língua depende da qualidade do seu uso oral normalizado", portanto é imprescindível potenciar esse uso" em todos os ámbitos para transmitir "otimismo aos seus falantes" e prestigiar "o património e as formas culturais que se expressam nela". A AELG pede à RAG que dedique um Dia das Letras a figuras da área da literatura de tradiçom oral, e reclama "visibilidade de modelos que adoitam expressar-se oralmente" tais como "representaçons teatrais, recitaçons poéticas, as controvérias e desputas como a regueifa ou a narraçom de histórias, contos..."
Outras conclussons abordárom o ensino da Literatura Infantil e Juvenil, os Direitos de Autoria, a literatura dramática, a projeçom internacional da produçom literária galega e outros assuntos internos da AELG.
