Foto do Mego da Escola - Evoluçom de estudantes de galego no Berzo até o ano 2014 - 2015.

As agressons da Junta de Castilla y León contra o idioma histórico da comarca do Berzo reforçam-se precisamente no momento em que o galego demonstrava aumentar entre o estudantado de ensino secundário, com um sustentado aumento das inscriçons nessa disciplina.

Frente a isso, no próximo sábado 17 de outubro nas Médulas, e no restaurante Agoga, está convocada umha reuniom para todas as pessoas interessadas em defender a língua galega como um dos patrimónios culturais do Berzo, comarca galega atualmente administrada pola Junta de Castilla y León. Pode-se contatar para obter maiores informaçons junto do email positivas@edicionspositivas.com.

A juntança, para impulsar açons em favor do idioma histórico do Berzo, chega num momento em que se multiplicam os ataques da Junta de Castilla y León contra o galego no Berzo, especificamente contra o ensino desse idioma nos licéus daquela comarca. Em maio deste ano, foi publicada umha Ordem de Educaçom, a EDU/363/2015, de 4 de mayo, por la que se establece el currículo y se regula la implantación, evaluación y desarrollo del bachillerato en la Comunidad de Castilla y León, com que se pretende dar um passo definitivo para a eliminaçom da língua galega no sistema educativo no Bierzo, tal como denuncia a associaçom Fala Viva. A associaçom denuncia que "a Língua Galega, fica, em resumo, à altura de guitarra, pintura, cozinha, kárate, patins, etc..."

As Médulas

As pessoas que assistirem poderám, ainda, desfrutar de um dos mais espetaculares locais que tem a Galiza: as Médulas foi uma antiga exploração romana de ouro a céu aberto e é hoje uma paisagem grandiosa e espetacular de formações avermelhadas e de bosques de castanheiros e carvalhos, no local que anteriormente foi ocupado pelo monte Medilianum. (Fonte: Wikipédia)