Foto: Conselho da AGAL atual
A principal novidade da proposta programática de Maragoto será a criaçom de umha nova norma escrita reintegracionista que se aproximaria mais do português, abandonando a atual, que a AGAL vem defendendo desde há mais de 30 anos. Umha proposta polémica que já provocou contestaçom na base social da associaçom.
Junto a isso, o novo Conselho propom o desenvolvimento da Lei para o aproveitamento da língua portuguesa e vínculos com a Lusofonia, conhecida como Lei Paz Andrade, assim como "o fomento do reconhecimento entre identidade galega e reintegracionismo".
Junto a Eduardo Maragoto, fam parte da candidatura: Carlos Quiroga, Eliseu Mera, Susana Arins, José Calleja, Jon Amil, Ricardo Fil e Xico Bugueiro, reservando um lugar de "apoio" para os atuais presidente e vice-presidente (Miguel Penas e Valentim Fagim).
A candidatura de Maragoto abriu hoje um espaço virtual para a discussom da sua proposta de criaçom de umha nova normativa, junto a um espaço para admitir outro tipo de propostas para a sua equipa.
Entretanto, sócios e sócias da AGAL convocárom umha reuniom presencial aberta neste mesmo sábado em Compostela, para debater a posiçom do reintegracionismo defensor da atual norma galega reintegracionista, no Centro Social do Pichel às 11h30.