O processo de unidade tenciona ir além da soma das siglas inicialmente envolvidas, incorporando estudantes alheios às três formaçons (a independentista AGIR e as nacionalistas Liga e Comités), dando continuidade a umha dinámica unitária que já venhem ensaiando nos últimos anos.
A nova entidade terá como ámbito de atuaçom os diferentes níveis de ensino (médio, formaçom profissional e superior), com uns princípios abertos que a situarám no campo da esquerda nacional e permita constituir-se em principal referente da auto-organizaçom estudantil na Galiza.
Para isso, anunciárom que o processo será prolongado, evitando precipitaçons, inclusive na sua definiçom ideológica, que por enquanto carece de perfis claros, para além de se situar no campo popular, de esquerda e antipatriarcal, bem como na inequívoca defesa do ensino público. Em breve serám constituídas "assembleias de base" para debater os conteúdos e os perfis da nova entidade, num processo aberto, demorado e sem prazo marcado para a sua culminaçom.
Como ponto de partida, situam também a luita contra a precariedade a que as e os jovens se veem abocados na saída do sistema educativo atual, assim como o caráter público e "enraizado no País" do sistema educativo que defendem.
Eis o vídeo da conferência integral, filmada polas companheiras e companheiros de GZVídeos: