A sexta-feira 24, a atividade começa com a solidariedade como bandeira, com a VIII ediçom da Cadeia Humana Pola Liberdade d@s Pres@s Independentistas às 18:30 desde a Praça da Galiza.
Após a cadeia humana, às 20h desde a Alameda de Compostela sairá a manifestaçom unitária da mocidade independentista que um ano mais dispom-se a encher as ruas da capital pola independência nacional. Convocada pola nossa organizaçom, junto com o resto das organizaçons que conformam a Coordenadora Juvenil Galega, baixo a legenda “A mocidade galega pola independência: Venceremos nós”.
Essa mesma noite tedes umha cita indiscutível, a XI ediçom da Jornada de Rebeliom Juvenil com a legenda “O nosso futuro está nas nossas maos”, que a nossa organizaçom irmá Briga leva organizando desde o seu nascimento no 2005. Finalmente o concerto decorrerá no Campus Sul da USC, na faculdade de engenharia química, depois da negativa de Compromiso por Galicia a compartir o parque de Belvis, num dia no que esta organziaçom nom tem nengum ato previsto. O concerto dará começo às 23:00h, com os grupos galegos Ultraqäns, Malas Herbas e Nao, e os bascos Oliba Gorriak.
Ao dia seguinte, 25 de Julho Dia da Pátria, às 12h na Alameda de Compostela está convocada a manifestaçom nacional unitária.
Nom duvidedes em participar em todas as atividades e achegar-vos à capital do pais na defesa da nossa naçom, @s estudanes organizad@s em AGIR o temos claro e tu?
