A Associaçom Cultural Semente Trasancos prepara polo segundo ano consecutivo no dia das Letras Galegas a sua segunda Romaria Pequeninha, que tenciona ser um ponto de convívio para pessoas de todas as idades por volta do projeto de umha Escola de Ensino Galego Semente para essa comarca do Norte da Galiza.

A jornada começará em Ferrol, na Praça do Cruzeiro, em Canido às 12h00 e continuará pola tarde na vizinha localidade de Redes, no município de Ares, com atividades para todas as idades.

Haverá ainda um jantar de convívio na Associaçom Instrutiva de Redes - Camouco, após a qual o conta-contos e ator Pablísimo divertirá os e as miúdas, que desfrutarám a seguir de atividades e jogos.

As e os participantes terám chouriço, liscos e bebidas a um preço de três euros para ajudar a financiar a Romaria.

Futura escola Semente em Narom

A associaçom trasanquesa abrirá um espaço educativo o vindouro ano em Narom, que se somará aos já existentes em Vigo e em Compostela, onde foi inicialmente lançado pola Gentalha do Pichel um ambicioso projeto que pretende conformar, junto com outros projetos semelhantes como o que para o ano 2015 - 2016 terá Narom, as bases necessárias para a criaçom da Escola Nacional Galega.

As Escolas de Ensino Galego Semente som um espaço de uma pedagogia transformadora ao serviço dos interesses populares. Som umha iniciativa social sem ânimo de lucro, impulsionada inicialmente pola , que fundou o primeiro centro dessas caraterísticas na capital do país, que 

Nas Escolas de Ensino Galego, todas as atividades serám desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Nas Semente entedem o idioma galego como parte indissolúvel da nossa cultura, da nossa história e do nosso futuro, e defendem o seu carácter internacional. Criando um espaço de interculturalidade formentar-se-á a importância do respeito às outras culturas que vivem no nosso país.

O infantil é um período de muita importância para a vida futura da criança e é nesta etapa que se devem realizar as acçons de desenvolvimento psicomotor, o desenvolvimento inteletual, físico moral, estético e afetivo da criança, garantindo-lhe o desenvolvimento da sua personalidade, das suas competências cognitivas e da capacidade de se relacionar com as outras.

Na Semente as crianças tenhem o direito de brincarem como forma particular de expressom, pensamento, interaçom e comunicaçom infantil, bem como o aceso aos bens socioculturais disponíveis, ampliando o desenvolvimento das capacidades relativas à expressom, à comunicaçom, à interaçom social, ao pensamento livre e criativo.

A Semente está organizada por recantos: lógica-matemática, experiência, plástica, agochar-se, simbólico, musica, leitura, movimento e natureza.