"Que a minha mae e a minha filha falem a mesma língua" é título desta nova ediçom da já consolidade Festa da Língua, que o reintegracionismo de base organiza em torno do 17 de maio cada ano.

Desta vez, a Gentalha coorganiza os dous dias de atividades com Semente, AGAL, CSA de Sar, CSO Escárnio e Maldizer e Itaca. Palestras, concertos, bicicletada... numerosas iniciativas para reivindicar o idioma nacional na capital da Galiza.

Os atos começam na sexta-feira dia 15, com umha mesa redonda centrada na atividade editorial da editora Através, ligada à AGAL.

No mesmo dia, às 21h30, haverá umha ceia e concertos no Centro Social Escárnio e Maldizer.

Já no sábado, umha marcha de bicicletas partirá às 11 horas da Alameda, para visibilizar a reivindicaçom lingüística de maneira lúdica. Ao meio-dia e meio, será realizado um mural coletivo na praça da Quintá, antes da sessom vermu com a 'dj 17 de maio' no Centro Social o Pichel. A seguir, no mesmo local, jantar seguido de cantos tabernários.

Às 18 horas, na praça do Pam, a 'foliada dos curso' e às 12h30, ceia no CS o Pichel.

O fim de festa começa polas 20 horas no mesmo local, com The Tetas Van e Nao, advertindo as entidades organizadoras sobre a lotaçom limitada do Pichel.