O já clássico evento compostelano por volta do Dia das Letras, a Festa do Dezassete, tem este ano a legenda "Que a minha mai e a minha filha falem a mesma língua", e será celebrado ao longo de dous dias na capital galega.
A Gentalha do Pichel avançou a programaçom, que confirmará definitivamente nesta semana, e que contém um leque muito variado de atividades.
Na Sexta-feira dia 15 haverá umha palestra da AGAL sobre a editora Através e os coletivos organizadores levarám a música aos espaços públicos da capital galega. Será com um concerto na Praça do Pam.
Já no sábado 16, virá a programaçom principal da Festa. Começará de manhá com a terceira ediçom da bicicletada pola língua, continuará com sessom vermu e jantar com cantos tabernários antes de umha tarde musicada polo alunado dos cursos desenvolvidos no centro social gerido pola Gentalha do Pichel. Para noite, será o momento de desfrutar com os concertos centrais deste ano, no CS do Pichel com The Tetas Van, Nao e DJ Peixe Gordo.
A Festa do Dezassete, em fim, chega mais um ano e desfruta saúde e intensidade.
