AGIR, Comités, e a LEG som três das entidades estudantis da esquerda nacionalista e independentista que, junto a outras, estám por trás desta convocatória que pretende encenar polo segundo ano consecutivo, umha resposta ampla do estudantado galego contra a elitizaçom e espanholizaçom do ensino.

Junto à Galiza, outros territórios do Estado espanhol tenhem artelhado similar resposta em chave estritamente nacional, num desafio popular descentralizado à ofensiva espanholista do capital, e capitalista de Espanha. Galiza, Astúries, Castilha, Aragom, Euskal Herria, Països Catalans... Em cada território afetado pola política educativa do PPSOE e o liberalismo haverá umha manifestaçom nacional de força e autonomia políticas.

BRIGA reitera mais umha vez o nosso compromisso para facilitar a difusom e sucesso da convocatória grevista e chamamos a participar nos cortejos do estudantado da esquerda independentista organizado em AGIR. A vitória da resposta estudantil é parte da vitória em todos os frentes que a Galiza jovem deve construir frente a esta Espanha e esta Uniom Europeia que tanta miséria estám gerando no nosso país, particularmente no futuro roto de milhares de jovens.

Sem um País livre e socialista nom é possível umha Escola Galega de iguais. Juntemo-nos trabalhadores/as e estudantes, moç@s oprimid@s polos salários de miséria, polo desemprego estrutural, polo drama dumha vida de opressom, ao estudantado que pronto vai assumir o mesmo rol social.

Há que tombar os espaços do terror do capital: a UE, os estados-naçom capitalistas, o saque e a corrupçom do poder... Há que construir País, há que fazer Galiza, cultura e irmandade, trabalho e dignidade, estudo e futuro.

ADIANTE O ESTUDANTADO GALEGO!

ADIANTE A GREVE NACIONAL!

ADIANTE AGIR!