Foto de Galiza Contrainfo (CC3.0)
Sementeando a Semente volta este sábado 9, às 12:00 Monte Vixiador. Este encontro mensal de mães, pais e crianças para fornecer um espaço de lazer em galego adoita celebrar-se o primeiro sábado do mês.
Para o mês de agosto o local escolhido inicialmente era o Parque da Riouxa, no bairro de Teis, que é a área na qual a escola tenciona iniciar a sua atividade já no ano académico 2014 - 2015. No entanto, as festas desse bairro fam com que o Sementeando a Semente se tenha deslocado, esta vez, para o Monte Vixiador.
As Escolas de Ensino Galego Semente, umha das quais já funciona com sucesso notável na capital da Galiza, som um espaço de uma pedagogia transformadora ao serviço dos interesses populares baseada nos princípios de coeducaçom, laicidade, assemblearismo, interaçom com a natureza, respeito pola autoregulaçom da criança, integraçom no contexto do seu bairro e da cidade.
A Semente Vigo sustenta-se por meio de trabalho militante e por cotas de sócias e sócios que, mesmo sem precisarem dos serviços de umha escola, acreditam na necessidade de possuirem um ensino em galego. Por isso, atualmente a Associaçom Pró-Semente Vigo tem em andamento umha campanha para os angariar 10.000 € necessários para iniciar a atividade do centro.