Dito seminario contará cos relatorios de persoeiros que camiñan entre o a academia e o
activismo, entre os que se atopan nomes tan de actualidade como Xosé Manuel Carril ou Xulio
Ferreiro.
O seminario ten a intención a poñer sobre a mesa novas fórmulas de goberno municipal, en
sintonía coas reivindicacións que propoñen unha maior implicación da cidadanía na xestión do
Concello. En palabras de quen organiza, o que se procura é “abrir o Concello ao Común”
facendo deste un órgano verdadeiramente supeditado aos desexos das maiorías. Porén, para que
isto sexa posíbel é necesario reconfigurar cuestións como a relación entre Concello e a
cidadadanía, redefinir conceptos como “Soberanía”, preguntármonos pola conciliación do eido
privado e o público ou pasar dun modelo de beneficiencia a outro de xustiza social. Arredor
destas e doutras cuestións exporán as súas ideas e propostas David Soto, Xosé Manuel Carril,
Xulio Ferreiro, David Castro, Carlos Diz, Henrique Lijó, Iago Carro, María Castelo,
Joám Evans, Antón Fernández de Rota, Antía Pérez Caramés e Belén Fernández Suárez.
As súas palestras serán a porta de entrada ao debate aberto no que calquera asistente ao evento
poderá participar.
Para quen non teña o pracer de coñecela, a Universidade Invisíbel foi no seu día, tal como
se expresaba na súa web, un proxecto “coa vontade de experimentar coas formas da produción
de saber e animar os debates críticos”. Agora rexurde coas intencións intactas, só que as cabezas
que están detrás desta volta son as de quen outrora admirou a Invisíbel dende lonxe.
“Municipalismo dos Comúns. Seminario da Universidade Invisíbel”, un espazo de reflexión e
debate arredor dun tema de máxima actualidade e relevancia, será o primeiro paso nun camiño
que oxalá sexa ben longo.
Podedes atopar máis información, contacto, inscrición no seminario e o verkami co que será
financiado no blogue http://seminariomunicipalismo.blogspot.com