- A situaçom atual é só o resultado de deixar a gestom de serviços públicos ao lucro de umha empresa privada. Queremos lembrar que a iniciativa privatizadora que entregou a gestom da agua e o lixo à empresa EMAFESA começou durante o Governo Municipal do Partido Popular e continuou com com o governo do BNG e PSOE, posteriormente no governo PSOE-IU, e até a atualidade.
- A nova taxa que o governo municipal de José Manuel Rey Varela pretende cobrar à vizinhança de Ferrol já está a ser cobrada no atual recibo de EMAFESA em conceito de cánom de saneamento da Junta da Galiza, destinado teoricamente a sufragar os gastos de exploraçom, manutençom das infraestruturas de gestom e depuraçom das águas residuais da Galiza. Ou o que é o mesmo, o Partido Popular pretende que as e os ferrolanos paguemos duas vezes polo mesmo conceito!
- Como já temos manifestado, a esquerda independentista defende um verdadeiro saneamento das águas da nossa ria. O sistema de saneamento implementado polo governo de Rey Varela de maneira trapalheira e pricipitada vai converter-se no enésimo projeto inútil que que terá que ser descartado num futuro, quando se deva realizar um verdadeiro saneamento das àguas de Ferrol.
- Neste momento, já som mais de 38 milhons de euros os que se levam investido nesse projeto, aos quais haverá que somar outros 23 milhons em obras complementares, no qual se misturam as águas pluviais com as fecais.
- O afám arrecadador de EMAFESA, com a cumplicidade do governo "popular", chega ao ponto surrealista de estar a cobrar a vinte mil das trinta e três mil vivendas que há na cidade departamental, por um serviço que nom lhes está a prestar.
- O objetivo desta nova subida nom é outro que lucrar com o dinheiro dos já castigados recursos da vizinhança de Ferrol a URBASER, gestor privado de EMAFESA e propriedade do oligarca espanhol Florentino Pérez.
- É preciso dizer nom à taxa e partir de um fator fundamental que garanta o domínio público de um bem público: A municipalizaçom do serviço, evitando que, mais umha vez, fique em maos privadas que converterám o lucro económico em critério central na gestom das águas da nossa comarca e do nosso concelho.
Por todo isto, da Assembleia Comarcal de NÓS-Unidade Popular em Trasancos manifestamos o nosso rejeitamento a este nova engano ao povo trabalhador ferrolano e apelamos à participaçom na concentraçom que decorrerá amanhá 19 de fevereiro às 19hs na Praça do Concelho de Ferrol.
Ferrol, 18 de fevereiro de 2015
Assembleia Comarcal de Trasancos de NÓS-Unidade Popular