A teia de aranha que Nelson Santos, José Manuel Jacobo e Alejandro Lorenzo tecérom atinge urbanismo, emprego, obras, e agora salta a lebre nas dependências da Polícia Local com um registo da Polícia Judicial no que se incautou numerosa documentaçom.
Para ter sob o seu controlo este departamento há que colocar ao frente a umha pessoa submissa e repartir prebendas e sobresoldos com ele e a sua "particular" equipa.
Polícias Locais contrários a estas práticas ja denunciáram ao seu chefe por vexaçons, maltrato, insultos e má gestiom, sob umhas formas ditatoriais conhecidas e padecidas por parte do povo.
O registo das dependências da Polícia Local deriva dos seguimentos feitos aos imputados na operaçom "Multiusos" e dos que se desprendiam algo mais que suspeitas sobre comportamentos delitivos.
Todo isto está relacionado com a retirada de multas a familiares, amigos, filiados e simpatizantes do PP, enquanto o grosso da populaçom temos que pagar de maneira estrita e sem dilaçons quando imcumprimos algunha norma do Código de Circulaçom.
Estas práticas tenhem contribuído à construçom de umha rede clientelar de empresários e da "camarilha" que em cada Pleno mostra o seu apoio incondicional ao corruPPto alcaide. Adesons fanáticas a um Nelson que leva tras de si um rosário de imputaçons por prevaricaçom, suborno, malversaçom de fundos, fraude a trabalhadores/as, falsificaçom de faturas ...
Resulta curioso que a 7 meses das eleiçons municipais saiam vozes discrepantes com estas condutas no seio da equipa de governo numha tentativa de dar a imagem de honestidade e honrados gestores. Mas todas as tropelias e condutas impróprias que saírom à luz nom se figérom com a luz apagada. Estas pessoas ou som cúmprices ou bem olhárom face outro lado.
Esperamos que todo o peso da lei caia com contundência e se faga a justiça que o povo trabalhador do Porrinho espera.
Que todo o roubado seja devolto, até o ultimo céntimo.
De NÓS-UP exigimos que sigam afastados dos seus cargos, nom podemos deixar que este tipo de pessoas nos governem, que o concelho do Porrinho se consolide como um feudo de corruPPtos que nos condena à pobreza, à precariedade laboral e ao desemprego.
NELSON, JACOBO, ALEJANDRO DEMISSOM!
POR UM GOVERNO OBREIRO E POPULAR!
Porrinho, 29 de outubro de 2014