Pola sua parte, a assistência às touradas protagonizou um novo descenso e fracassou estrepitosamente o intento de levar a mocidade às touradas através de um abono mais barato para menores de 16.

Umha vez passada a campanha a mobilizaçom, de Touradas Fora de Ponte Vedra queremos informar de que nom obtivemos nengumha resposta às nossas demandas por parte da Deputaçom e do Concelho, atitude que consideramos imprópria de umhas instituiçons públicas. Voltamos a solicitar, por tanto, que a Deputaçom nos informe de quanto dinheiro público destina às touradas e que o Concelho nos receba para escuitar as nossas reivindicaçons.

Reiteramos o nosso rejeitamento ao convénio assinado entre o governo muncipal e a empresa de Eduardo Lozano. Um negócio dedicado a lucrar-se através da tortura e a morte de animais nom pode receber nem um só euro das instituiçons públicas, nem directa nem indirectamente. O Concelho de Ponte Vedra deve buscar alternativas para as atividades realizadas atualmente na praça de touros e nom renovar o convénio baixo nengum pretexto. A modo de exemplo, sabemos de primeira mao que o Concelho de Ribadávia organiza o torneio medieval no campo de futebol, de domínio municipal.

E rejeitamos também a presença do edil Miguel Filgueira nas touradas como membro de umha “penha taurina”. Esta assistência às touradas contradi-se tanto com algumhas das suas funçons como concelheiro como com a sua pertença a umha organizaçom política que defende a aboliçom das touradas. Touradas Fora de Ponte Vedra considera que um concelheiro taurino nom deve continuar formando parte do governo municipal por mais tempo, polo que demandamos a sua demissom.