Foto de Dave Emerson (CC by-nc-nd 2.0)
Dende a APDR e a PECCEM consideramos esta resposta como mínimo partidista e contraditoria dando vía libre a unha lei que permite estender a rede de telefonía móbil 4G antes de garantir os límites e as medidas de precaución necesarias:
- Por unha banda recoñece como “moi importante” o Informe Bioinitiative (revisión científica de máis de 3.800 estudos científicos que solicitan drásticos recortes dos límites de exposición ante as alteracións biolóxicas e os problemas de saúde asociados á contaminación electromagnética) e destaca que esta nova lei non contempla “as medidas de protección sanitaria, en especial para os colectivos máis sensíbeis” que se desprenderían da citada revisión científica.
- Por outra banda a “Defensora del Pueblo”, entre outras temas:
- Non encontra vulneración algunha do dereito da saúde nunha lei que non aplica as medidas de precaución como as xa solicitadas pola Resolución 1815 da Asemblea parlamentaria do Consello de Europa (2013) na liña recomendada pola Axencia Europea de Medio Ambiente dende 2007 e, a nivel galego, polo propio Colexio de Biólogos de Galicia.
- Xustifica “que o lexislador procura atallar algunhas prácticas ….” para impedir o cumprimento dos límites de seguridades da normativa estatal (criticados actualmente por obsoletos e non garantes da saúde), mutilando unha autonomía municipal e autonómica que poda ser quen de aplicar mellores medidas de protección da saúde como as recoñecidas en diferentes sentenzas do Tribunal Supremo.
- A “Defensora del Pueblo”, na súa resposta, esquece que esta lei anula a avaliación ambiental ligada á licenza de actividade que agora deixa de ser potestade municipal, así como tamén esquece os múltiples contactos previos á aprobación da lei das organizacións do ámbito da Plataforma Estatal Contra a Contaminación Electromagnética (como a APDR) a tódolos niveis (municipal, autonómico, estatal, grupos parlamentarios e municipais, …)
PARABÉNS AOS GRUPOS DA OPOSICIÓN NO PARLAMENTO GALEGO
Desde a APDR e a PECCEM transmitimos os nosos parabéns aos grupos da oposición da Comisión de Industria, Enerxía, Comercio e Turismo do Parlamento de Galicia que votaron no mes de xullo a favor das nosas achegas nunha proposición non de lei sobre a nova Lei Xeral de Telecomunicacións. Igualmente agradecemos a tódalas concelleiras e concelleiros a presentación de mocións contra esta Lei nas catro provincias galegas.