Fotos: Localizaçom aérea e vista parcial do lugar onde decorrerá finalmente o jantar de NÓS-UP neste 25 de julho, apesar da tentativa de boicote do PP.
Após mais de um mês de espera, o governo ilegitimo de Compostela, denegou a utilizaçom do parque de Belvis para realizar o concerto do 24 de julho, organizado por BRIGA, e o jantar popular do Dia da Pátria.
Neste período de tempo, o corrupto governo de Agustim Hernández empregou todo o tipo de manobras para atrasar umha e outra vez umha resposta que todos os prognósticos apontavam que iria ser negativa.
Na última semana, após a nossa negativa de fazer frente aos arbitrários 3.000 euros de fiança que o governo municipal queria cobrar pola utilizaçom de espaços públicos, e após termos consultado com um funcionário do Concelho a sua viabilidade, figemos um contrato de um seguro de responsabilidade civil, com umha apólice de 150.000 euros. Ou seja, 50 vezes mais o valor da fiança solicitada!
Quando se fijo entrega no Concelho da documentaçom, está foi rejeitada por ordem do Concelheiro de Tráfico. Tínhamos que apresentavar o depósito em dinheiro ou num aval bancário.
Há dous dias assegurárom que se algumha das outras organizaçons que tinham concedido Belvis após o pagamento da fiança assinava um documento manifestando que cobriam também o nosso jantar nom haveria problema. E assim se fijo.
Hoje comunicavam-nos que finalmente essa fiança nom podia cobrir-nos, já que só se fazia cargo do espaço concedido inicialmente.
Depois de tanta arbitrariedade e perseguiçom, o espanholismo um ano mais fracassou na tentativa: haverá jantar de confraternizaçom da esquerda independentista no nosso Dia Nacional.
A USC autorizou que NÓS-Unidade Popular utilize umha área ao ar livre situada entre a Residência Universitária do Burgo das Naçons e a Avenida do Burgo das Naçons.
Apesar de todas as dificuldades, finalmente a nossa organizaçom conseguiu um espaço onde realizar o jantar de confraternizaçom da esquerda independentista. Reafirmamos que, por muitos entraves que se coloquem à nossa atividade, continuaremos a estar na rua, queira ou nom o reacionário Partido Popular.
Aguardamos quem queira achegar-se a partilhar connosco o jantar neste 25 de Julho, a partir das 15hs, no Cámpus Norte (ao pé do Burgo das Naçons)
A ementa consistirá em entradas, empada, churrasco, pam, água e vinho, e sobremesa. Também haverá opçom vegana.
Queremos aproveitar para agradecer publicamente as gestons realizadas por Anova para que pudéssemos realizar o jantar no Parque de Belvis.
Como chegar desde a Praça do Toural desde esta ligaçom (+)
