1 1 1 1 1 1 1 1 1 1 (0 Votos)

5Galiza - SLG - O Sindicato Labrego Galego apoia as demandas da Plataforma en Defensa do Partido Xudicial de Xinzo e as de tódolos movementos reivindicativos que están a xurdir na provincia de Ourense e no resto da Galiza para defender os xulgados que prevé suprimir a Lei Orgánica do Poder Xudicial.


Galiza ten 45 partidos xudiciais, 9 en Ourense, distribuídos por todo o territorio e que achegan xeograficamente o dereito á xustiza ao meirande da poboación. Aínda que no caso dalgúns concellos ese achegamento podería mellorar, a intención do Goberno de Madrid é empeoralo, xa que ten planificado suprimir tódolos partidos xudiciais e reducilos a 4 de ámbito provincial. Esta reforma no medio rural suporá un enorme obstáculo para o acceso das persoas á xustiza ao ter que desprazarse para calquera xestión até a capital da provincia onde viven. A isto habería que engadir outras medidas do Ministerio dirixido por Alberto Ruíz Gallardón para facer máis inaccesible a Xustiza para o meirande da xente: o incremento das taxas xudiciais, ou reformas da administración de grande impacto para as persoas que vivimos no medio rural, como a privatización dos rexistros civís, cuxas xestións terán que facerse a partir de agora nos rexistros da propiedade, ou a eliminación dos xulgados de paz.

Diante disto, o SLG quere expresar o seu apoio a todas aquelas iniciativas cidadás que xurdan no país para defender os partidos xudiciais por entender que, coma sempre, será a poboación do rural a máis prexudicada. Neste senso, o SLG participou na manifestación do pasado xoves, 10 de xullo, en defensa do partido xudicial de Xinzo; e quere apoiar as críticas xurdidas dende a Plataforma contra os alcaldes populares da bisbarra que non acudiron a esta mobilización para defender uns intereses que nos incumben a todos e a todas por riba de diferenzas políticas e ideolóxicas.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.