Numerosas reivindicaçom convergem na convocatória deste sábado. A soluçom para o certo, as quotas, a defsea da pesca artesanal, a regeneraçom das rias galegas, umha lei de aquicultura que responda às necessidades do setor...

Ao que todo indica, a tentativa do governo autónomo do PP de boicotar a convocatória com um anúncio de última hora de retirada da sua proposta de Lei de Aquicultura nom vai conseguir o objetivo e a mobilizaçom poderá ser massiva.

"Em prolo do setor do mar" é o mote genérico escolhido polas confrarias galegas, que defendem a capacidade produtiva de um setor que durante décadas situou a Galiza à frente das pescas a nível mundial, mas que com a entrada na UE viu como perdíamos postos no ranking internacional, desde o 3º à abaixo do 50º.

No que di respeito à aquicultura nas nossas rias, a Junta do PP tenciona entregar a atividade às transnacionais do setor, desarmando mais umha vez o nosso país num setor básico em que poderíamos criar e distribuir umha importante riqueza.

Sindicatos, ambientalistas e outros setores populares manifestárom o seu apoio à convocatória.