Galiza - CUT - O Secretariado Nacional da CUT celebrou este mes unha sesión onde se analizou a evolución anual do propio sindicato en termos de "crecemento moderado" mais de "implantación en empresas e sectores de importancia como a CRTVG, Citroën, a Administracion de Xustiza, Benestar..." que contrastan cun problema transversal "a perda de capacidade económica das traballadoras e traballadores e a súa renuncia á afiliación sindical" e os propios problemas da central sindical para comunicar os seus propios éxitos e visbilizarse.
Tamén outros problemas como a dinámica de participación dos propios delegados e delegadas, e a necesidade de afrontar unha reformulación do modelo sindical tiveron presenza no debate.
No encontro valorouse positivamente a celebración do Econtro Sindicalismo e Movementos Sociais, así como as mobilizacións contra a guerra que se lanzaron dende ese espazo de intervención e coordenación.
Entre outras tarefas de organización das áreas de traballo e secretarías, o Secretariado Nacional abordou nesta xuntanza a decisión de convocar unha Xuntanza Nacional de Delegados e Delegadas para o vindeiro 2 de marzo camiño da celebración durante o mes de abril da nosa Conferencia Nacional que transcorrerá centrada no redeseño do modelo sindical da nosa central.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
