Foto de El Buho nº30 (CC by-sa/2.0/)

Da CGT indican que este é, tal vez, o mes con maior carga de traballo para Correos nos últimos anos, ao xuntarse a correspondencia electoral, os votos por correo e a paquetería e a correspondencia de Nadal. A isto temos que sumar o aumento exponencial da paquetería que ven de China, que se duplicou no último ano.

A maioría das unidades están a ver como o traballo se triplica contando con menos persoal e uns reforzos a todas luces insuficientes.

Por poñer un exemplo o Centro de Tratamento Automatizado de Compostela, de importancia estratéxica para todo o noroeste do Estado, foi reforzado só con 17 persoas a media xornada e con contratos para as noites dos Venres e dos Domingos.

En reparto Correos recortou máis de 200 seccións de reparto en Galicia nos últimos tres anos, o que leva a unha situación límite ás carterías e ás oficina de atención ao cliente. Para paliar esa situación os contratos que está a facer a empresa son claramente insuficientes. A unidade encargada de xestionar a paquetería na cidade da Coruña está a traballar con un recorte de 3 persoas e dos reforzos de media xornada, co que podemos entender que, no pior mes do ano, esa unidade non está nen ao mínimo do seu persoal.

No día de onte (09/12) o tempo de espera na oficina principal de Correos de A Coruña na quenda de mañá, superaba ampliamente a hora e media de espera, con más de 50 turnos por diante.

Da CGT lembran que o ano pasado con máis persoal e sen o reparto dos votos por Correo e da correspondencia electoral, a paquetería de Nadal tivo máis de de dous meses de retraso en chegar ao seu destino, quedando máis de un mes acumulada no Centro de Tratamento Internacional Adolfo Suarez-barajas de Madrid. Tema recollido polo xornal El País e outros e que foi trending topic en xaneiro de 2015. Chegando a máis de 500,000 os paquetes pendentes de ser traballados.

A CGT non quere que iso volva a suceder este ano e solicita con urxencia o aumento da contratación inmediatamente e de forma drástica tanto en reparto como en atención ao cliente.