Foto do Diário Liberdade - Manifestaçom contra os cortes.

Dun tempo a esta parte, as valoracións públicas do goberno galego sobre e evolución da situación económica de Galiza móvense entre o aberto optimismo e a euforia contida. Froito dese optimismo, no Consello da Xunta do 17 de setembro de 2015, anunciábase que "a solvencia de Galicia ten como consecuencia que a Xunta estea en condicións de adiantar a devolución doutro 25% da paga extra a este 2015 porque ten dispoñibilidade orzamentaria e porque vai cumprir neste exercicio o obxectivo de déficit".

Unha vez transcurridos máis de tres anos da entrada en vigor da citada Lei, resulta paradoxal que o mesmo goberno que proclama a recuperación económica e a solvencia da nosa comunidade autónoma manteña unha suspensión de dereitos dos empregados e empregadas públicas que foi xustificada no seu momento pola concorrencia de difíciles circunstancias económicas que afectaban a sustentabilidade das contas públicas.

En opinión da CIG, diante da solvencia e da recuperación económica de Galiza o que procede é a derrogación desa Lei 1/2012 de medidas inxustas.