É no próprio Complexo Hospitalário Universita da Corunha (CHUAC) que estám a realizar-se abortos em condiçons de mínima assistência sanitária às mulheres, segundo denuncia o Centro de Atendimento às Famílias (COF). Trata-se de abortos incluídos nas condiçons previstas pola atual legislaçom espanhola, quer dizer, com risco para a própria mae ou malformaçons fetais.
A COF denuncia a falta de matronas para assistir a parto do feto, já morto, que se realiza em quartos convencionais e sem anestesia. Condiçons precárias que leva as mulheres com possibilidades económicas se deslocarem a Madrid para pagar numha clínica particular.
Para tentar mudar a situaçom, hoje ao meio-dia haverá umha concentraçom às portas do CHUAC, reclamando à gerência do Complexo Hospitalar o fim da vulneraçom de direitos sexuais e reprodutivos das mulheres da área sanitária afetada.
Foto: Elisardojm