Assassinato de umha mulher em Ponte Sam Paio e concentraçons convocadas

Galiza - Diário Liberdade - “Juntas vamos dar cabo do patriarcado criminoso” é a palavra de ordem com que o movimento feminista galego convocou para esta segunda-feira, 26 de outubro, várias concentraçons de denúncia da violência que as mulheres sofrem de maneira constante pola sua condiçom de tais.

O último assassinato machista, no momento de redigirmos estas linhas, aconteceu neste mesmo sábado em Ponte Vedra, resultando morta Conchi Reguera Peón, umha mulher de 38 anos, que vai ser enterrada nesta segunda-feira. O alegado assassino, José Antonio Lusquinhos Bustelo, de 34 anos, ex-par da vítima, está preso no cárcere da Lama.

251015 conc2 Umha primeira concentraçom com centenas de participantes já aconteceu em Sam Paio, Ponte Vedra, hoje mesmo (ver foto, difundida por MNG @feminismogaliza no twitter). Porém, para esta segunda-feira fôrom convocadas mais concentraçons feministas de repulsa e reclamando medidas efetivas contra a violência do "patriarcado criminoso". Todas elas começarám polas 20h. Eis a lista de localidades confirmada:

Vigo (Marco)

Corunha (Obelisco)

Compostela (Porta do Caminho)

Ferrol (Praça do Concelho)

Lugo (Praça do Concelho)

Ourense (Diante da Subdelegaçom do Governo espanhol)

Ponte Vedra (rua Rosalia de Castro, diante da Audiencia Provincial)

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Assassinato de umha mulher em Ponte Sam Paio e concentraçons convocadas

Última hora

Bem-vind@ ao Diário Liberdade!