O Coletivo Agrogay da Ulhoa é quem organiza este Festival, sem ánimo de lucro. Terá lugar na Granja Maruxa, situada na aldeia de Cumbraos, a 3 quilómetros de Monterrosso, em Lugo, o lugar de produçom das conhecidas bolachas "Maruxas de Nata".

O evento nasceu para mostrar, defender e valorizar outros princípios como a sustentabilidade, o respeito ao património material e imaterial, e o ecologismo; defendendo a diversidade, tanto social quanto natural.

No referido ao programa, em "Som Agrogay" haverá música, artesanato, obradoiros e poesia. Às 12 horas haverá Asembleia para discutir sobre a agenda LGTBIQ no rural e às 17 horas haverá a leitura de um manifesto e a entrega dos prémios à Visibilidade Agrogay.

Davide Salvado e De Vacas atuarám a partir das 17:30 horas. Pola noite, os assistentes farám umha "integraçom na Vila de Monterroso" acompanhados da Associaçom Cultural Entropia Folque.

A organizaçom explica que todo o dinheiro obtido da venda de entradas, a só cinco euro, e as mercadorias serám destinados a cobrir os gastos do evento.