Foto - Cartaz das concentraçons deste domingo.
Segundo as informaçons da imprensa comercial, David O terá assassinado as suas duas filhas, de 9 e 4 anos, com umha serra mecánica radial para depois tentar cometer suicídio. Parece que na segunda das tarefas nom terá posto o mesmo interesse e neste momento é recupera-se das feridas no Hospital de Monte Celo.
Embora o único dado confirmado oficialmente por enquanto é a morte das crianças e tentativa de suicídio do pai, as informaçons existentes e a versom da vizinhança apontam que a vingança contra a mai das duas pequenas - de quem o suspeito está divorciado - poderá estar por trás do abominável crime.
As duas crianças passavam as férias com o seu pai e amanhá (01/08) deveriam regressar com a sua mai. O homem será processado pola Corte de Instruçom de Caldas número 1 a partir deste sábado a meio-dia e, de se confirmarem as teses, se convertirá em mais umha contundente demonstraçom da gravidade com que a violência machista se mantém vigorante na Galiza do ano 2015.
Concentraçons do feminismo galego
O feminismo galego reagiu convocando concentraçons para este domingo (02/08), às 20h00. Estám previstas simultaneamente, por enquanto em:
Corunha, no Obelisco
Compostela, na praça 8 de março
Ponte Vedra, na praça 8 de março
Vigo, no MARCO
Ferrol, na praça da Cámara Municipal,
Ourense, na Castanheira