O objetivo do ato era exigir explicaçons e responsabilidades à Junta da Galiza polo assassinato de Maria Isabel Fuentes o passado 8 de maio quando se encontrava ingressada num hospital de Ourense devido a umha agressom sofrida a mãos do seu marido, quem aproveitou a negativa judicial a aplicar-lhe medidas cautelares para esfaqueá-la até a morte. Do movimento feminista consideram que esta morte deveria ter sido evitada e, portanto, acham necessário identificar os erros nas medidas e protocolos de proteçom e na sua aplicaçom.

Porém, o vice-presidente da Junta da Galiza, Alfonso Rueda, rechaçou ontem qualquer responsabilidade do Governo galego no assassinato e descartou a possibilidade de que a Junta abra umha investigaçom. Além disso, afirmou que existem casos de violência machista de difícil detecçom que nom podem ser evitados na sua totalidade, e mostrou-se partidário de "mais prevençom" e "mais cuidado".