Foto do Diário Liberdade - Manifestaçom feminista unitária em Compostela, em 2013.
A Plataforma Galega polo Direito ao Aborto convida todas as mulheres a participarem na manifestaçom unitária a celebrar em Compostela no dia 8 de marzo, sob a legenda "Feminismo para avançar. Juntas em umha mesma luita". A mobilizaçom começará polas 12:00 h na estaçom de comboios da capital galega, com final na praça das Praterias. Plataformas locais como a de Vigo já organizárom transporte coletivo a custo reduzido para as pessoas interessadas em participar na manifestaçom, igual do que outros coletivos do país como a Fundaçom Artábria de Ferrol.
Aviso importante: Para o Diário Liberdade poder continuar a dar voz a eventos como este precisa do teu apoio na campanha de financiamento anual. Apoia agora, és necessária/o. Click aqui para saber como.
Entre as denúncias com que as mulheres chegam a este 8 de março, da PGDA destacam os graves retrocessos em direitos laborais e em condiçons de trabalho (como a alta taxa de contratos a tempo parcial involuntários que sofrem as mulheres); a privatizaçom e os cortes na sanidade pública, educaçom, serviços sociais e dependência, "cortes que afetam as famílias e repercutem nas mulheres"; os cortes nas prestaçons e direitos sexuais e reprodutivos e o possível retrocesso na Lei do Aborto contra o direito a decidir das mulheres.
"Ainda temos muito caminho por percorrer e queremos fazé-lo juntas", explicam da PGDA, já que "luitando juntas conseguiremos a liberdade das mulheres e unha sociedade igualitária".
Palestra em vigo no dia 5
Outro evento com que a Plataforma Galega polo Direito ao Aborto prepara o Dia da Mulher Trabalhadora é umha palestra na cidade de Vigo, que será a 5 de março (quinta-feira) às 18:30 h na Casa das Mulheres, Romil 20, 36202, Vigo, sobre a temática “Direitos sexuais e reprodutivos, sexualidade, nova reforma sobre o direito ao aborto, nova agressom às mulheres”.
Centros Sociais da Galiza também se preparam
Da Fundaçom Artábria de Ferrol, que expressa o seu apoio à manifestaçom convocada em Compostela para domingo, tenhem ainda programadas várias atividades para reivindicar mais um ano o Dia da Mulher Trabalhadora e tingir de lilás a cidade:
Na sexta-feira, 6 de março, Névia Lamas inaugurará a exposiçom de láminas com a sua particular visom reivindicativa do trabalho das mulheres. A inauguraçom decorrerá às 20.00hs com a presença da jovem ilustradora. Às 20.30hs A escritora Teresa Moure apresentará o seu último romance, "Uma mae tão punk", de Chiado Editora.
Já no sábado 7, as mulheres da Fundaçom Artábria sairám à rua para reivindicar o Dia da Mulher Trabalhadora. Demonstrarçam o seu "mais sincero reconhecimento às mulheres trabalhadoras apresentando flores lilás, tal e como se fijo históricamente na Uniom Soviética". Na noite desse dia, decorrerá a atividade mais lúdica no centro social ferrolano com concerto das Malfoliadas, quem nom deixarám indiferente a ninguém com o seu particular folque. A entrada ao concerto, que começará às 22.30hs, é gratuita.
Em Compostela, o outro grande centro social do país, o CS do Pichel, também preparou atos para a data. Assim, no sábado 7 de março às 14h farám um jantar com o objetivo de mostrar "a ligaçom entre o cuidado da alimentaçom e as principais protagonistas do mesmo: as mulheres e os cuidados que desenvolvêrom e desenvolvem como labregas, produtoras, consumidoras responsáveis, cuidadoras, criadoras" e, enfim, como garantes da soberania alimentar. [Nota de 06/MAR: CS do Pichel anuncia suspensom do jantar]
Outros eventos
Estes eventos somam-se aos de inúmeras organizaçons galegas, entre os quais estám os já anunciados pola CIG, Isca!, a CNT, o BNG - que terá o ato nacional da sua campanha "A força do feminismo" no Mercado do Calvário de Vigo às 11:00 deste domingo, e que também aderiu a convocatória da manifestaçom em Compostela- ou Anova-IN -quem também adere a mobilizaçom unitária, tal como a independentista NÓS-Unidade Popular.
