A Galiza aderiu à vaga mundial neste Dia Internacional contra a violência machista, que tivo em Vigo o ato central galego.
"Implica-te. Luita contra a violência machista. Rompe com a indiferença' foi a palavra de ordem genérica proposta pola Marcha Mundial das Mulheres, misturada com outras muitas de denúncia contra as numerosas violências quotidianas que a mulher galega sofre em primeira pessoa.
Se bem Vigo tivo a manifestaçom mais numerosa, também Ourense, Fene, Compostela, Ponte Vedra, Vila Garcia e corunha tinham convocatórias na mesma jornada, incluindo performances, concentraçons, participaçom de crianças e mesmo atos institucionais ligados à denúncia da violência contra as mulheres.
A Plataforma Galega polo Direito ao Aborto foi um dos principais coletivos aderidos, juntamente com a Assembleia Feminista Galega, que em Vigo exibiu umha faixa com a legenda "luita feminista radical contra o feminicídio", e Mulheres Feministas Galegas (MNG). Também organizaçons de mulheres de centrais sindicais como a CIG ou CUT, organizaçons políticas como as independentistas NÓS-UP e Causa Galiza, assim como outras de perfil mais institucional (Anova, BNG e IU, entre outras), entidades juvenis (Briga, Isca!, Galiza Nova...) e outros coletivos sociais.
Foto: @afeministagz