Afortunadamente nesta ocasiom o agressor nom consumou a sua intençom confessa de matar à vítima. Por desgraça, no que levamos de ano já se contam várias agressons com resultado mortal.

Nom fai falta dizer que nengumha desavinça de tipo familiar, patrimonial ou económico justifica umha agressom, e menos ainda segar-lhe a vida a umha pessoa, e isto independentemente de a quem lhe poida assistir a razom. Deve portanto censurar-se qualquer discurso justificatório de qualquer tipo de violência contra a parelha, de índole verbal, moral, social, económico, físico...sobre tudo num contexto de agravamento da violência machista, que nom permite dar lugar nem à brincadeira, nem à relativizaçom, e muito menos a minimizaçom ou negaçom do fenómeno.

Emprazamos ao povo a que reclame medidas de segurança e apoio económico, sócio-sanitário, psico-social para as mulheres afectadas polo terrorismo machista, e também umha repressom efectiva do mesmo, apesar de sermos conscientes de que desde o capitalismo nunca se vai erradicar o patriarcado, que é a fonte geradora desta lacra.

Nem umha agressom sem resposta!!!

Mulheres livres na pátria libertada!!!