No dia 17 de novembro de 2014, fai-se um ano do despejo e derrubamento da casa de Varo e Isabel, moradores do bairro de Elvinha cuja habitaçom “atrapalhava” o andamento das obras de umha ponte que ainda nom existe...

Entretanto, a vizinhança afetada polos despejos continua sem casas e sem a indenizaçom prometida, com umha terra atribuída em compensaçom, onde nom podem construir por falta de meios económicos. O novo parque de vivendas nom chegou a se efetivar, após provocar o despejo de numerosas famílias e contando a Corunha com um número estimado de 20 mil vivendas vazias.

As reivindicaçons da manifestaçom desta sexta-feira som as mesmas de há um ano: a desfetaçom e a restituiçom a Varo e Isabel, mas desta vez nom só vam dirigidas ao PP: também ao governo “cidadanista” da Maré Atlántica, que nom avançou na resoluçom do conflito.