A grave situaçom de repressom que venhem sofrendo nos últimos meses e de maneira crescente o povo curdo e as organizaçons solidárias da esquerda turca provoca mais umha resposta de denúncia na Galiza.
Na Corunha, foi convocada para esta quarta-feira, dia 14 de outubro, umha concentraçom ao pé do Obelisco, na praça do mesmo nome, a partir das 20h15, de maneira aberta e sem siglas.
A concentraçom denunciará "o terrorismo de Estado" e o "genocídio contra o povo turco" que o Estado reacionário turco, em maos do integrismo religioso colaboracionista com o imperalismo ianque, protagoniza de maneira letal nos últimos meses.
Para além dos bombardeamentos contra cidades e aldeias curdas pola aviaçom turca, as manifestaçons e iniciativas solidárias do povo turco som também duramente reprimidas por diversas vias, tanto pola açom direta da polícia, como por ataques terroristas como o que no dia 10 de outubro aconteceu em Ancara, matando dezenas de manifestantes, graças à cobertura do Estado turco.