Após um mês fechado e um grande trabalho militante, o decano dos Centros Sociais da Galiza está pronto para mostrar a sua nova face, e fai-no coincidindo com um mês de atividades para celebrar o nosso dezassete aniversário.
Além dumha lavagem de cara ao café-bar, com claras referências à nossa língua, mas também à cidade de Ferrol, incorpora-se na sala de atos umha zona infantil. Além disso, os cursos agradecerám o novo soalho que já melhora as condiçons do chao.
O Centro Social está aberto ao movemento associativo da comarca para realizar qualquer tipo de atividade, sempre e quando esta for em galego.
Dezassete anos de trabalho pola defesa da nossa cultura, os valores solidários e os direitos históricos do nosso País
E com este motivo que organizam umha série de atividades para dar conteúdo ao completo programa previsto para celebrar esta data tam assinalada. Ei-lo:
- A quinta-feira, 1 de outubro, às 20.00hs com a (re)inaugura-se o Centro Social. Haverá petiscos, troula e algumha surpresa.
- Na sexta-feira, 2 de outubro, com a obra Medea, representada polo Clube Teatral Elsinor. Será às 21.00hs e a entrada grátis.
- No dia 9 de outubro às 20.30hs, Valentim R. Fagim e Mario Herrero apresentarám duas das novidades de Através Editora: “O galego impossível” e “A normalizaçom lingüística, uma ilusão necessária”.
- No sábado 10, os protagonistas serám as crianças já que às 20.00hs estará na Fundaçom Artábria Chuches Amil, que apresentará o seu disco-livro “Umha história ao revés”.
- Na sexta-feira 16 às 20.30hs, contarám com a apresentaçom da revista “Ouvea”. Revista na defesa da terra e do rural. Mais umha apresentaçom literária chegará no dia 23 de outubro, às 20.30hs. Séchu Sende traz a sua “República das palavras”.
-
No dia 24 de outubro, sábado, será a vez dos Kurwa. Os ferrolanos trarám o seu rock à Fundaçom Artábria. Será às 22.30hs e a entrada é livre.
-