Por primeira vez desde que a data foi instaurada por NÓS-UP no calendário político da esquerda independentista em 2001, Primeira Linha organiza esta efemérede, no quadro do processo de reorganizaçom e restruturaçom do movimento de libertaçom nacional galego.

Este ano a XV ediçom do Dia da Galiza Combatente tem lugar no monte Galinheiro de Vigo, desde a qual se divisa a ria de Vigo, o Val Minhor e o val da Lourinha.

Sob a legenda “Orgulho comunista. A luita é o único caminho” está convocado um roteiro domingo 11 de outubro às 12 horas que partindo do parque florestal do Galinheiro culminará com um ato político no topo deste atalaia do sul da Galiza.

Primeira Linha reivindicará o papel histórico dos comunistas galegos e galegas na luita em defesa dos interesses da classe obreira e do povo trabalhador desde a segunda década dos anos vinte do século passado, na reorganizaçom da esquerda patriótica em 1964, do independentismo em 1975 e posteriormente na década dos noventa, e basicamente a necessidade de seguir construindo o partido comunista combatente, patriótico e revolucionário como motor e garantia da orientaçom socialista e feminista Revoluçom Galega.

No ato político intervirám o dirigente juvenil Heitor Munhoz e Carlos Morais, em representaçom do Comité Central.

Jantar de confraternizaçom

Posteriormente, às 14 horas, terá lugar um jantar de confraternizaçom nas instalaçons do parque florestal do Galinheiro.