A concentraçom, que coincidia com o Conselho da Junta, foi convocada pola Junta de Pessoal dos Serviços Centrais da Junta, recolhendo as demandas das assembleias prévias. As trabalhadoras e trabalhadores públicos mobilizados quigérom desta maneira fazer pública a sua queixa polos ataques públicos de Núñez Feijó e as suas declaraçons em relaçom com as baixas de pessoal, polo controlo dos horários e polas queixas pola demora no cobro das folhas de pagamento.

Umha campanha em que também participam meios de comunicaçom como o jornal La Voz de Galicia e que, aliás, se contextualiza nas informaçons sobre os novos cortes públicos que, após as eleiçons municipais, iria aprovar o governo espanhol do PSOE e que incluiriam umha nova rebaixa nos salários de empregados e empregadas públicas, além doutras medidas como o incremento da pressom fiscal através do IVA. Novos ajustamentos anti-sociais que, de momento, Zapatero nega publicamente.