Entre os artistas já confirmados estám: Marcos “Galegoz” Payno, Leo i Arremecaghoná, Martiño “The Homens” Wu, Marcos “Rastreros”, Fran “Papaqueixo” Amil, Xosé Bocixa “Zënzar”, Xurxo Souto e Antom “Papaqueijos” Díaz, Vituco Neira “Ruxe Ruxe”, Uxia Senlle, Antón Reixa e Antón Losada.

A histórica banda corunhesa Rádio Océano, foi umha das pioneiras em empregar o galego, aos poucos, na música identificada como “rock”. De facto, músicas como Terra Chá e a versom do grupo português Sétima Legião (Rodrigo Leão) Como o Vento, dous temas clássicos do repertório do rock galiciano.
Como prato forte do evento, os integrantes da segunda formaçom subirám a um cenário juntos pola primeira vez depois de 25 anos e interpretarám algumhas das suas cançons mais lembradas.

O grupo formárom-no os jornalistas corunheses Xosé Manuel Pereiro (hoje na TVE, correspondente de El País e decano do Colégio Profissional de Jornalistas da Galiza), e Santiago Romero (hoje, responsável cultural do jornal ‘La Opinión’) no ano 1981. Pablo Iglesias, Sito Evangelista, Pablo Constenla e Dani Punta estivérom zoupando nos instrumentos com eles.
Aginha começárom a tocar com os grupos que naquele momento começavam a fazer rock na Galiza (Siniestro Total, Os Resentidos...). Também faziam parte da publicaçom alternativa La Naval (1986-1987) e colaboravam com o poeta Lois Pereiro, irmao do cantante dos Rádio Océano.

A Cámara Municipal da Corunha está a preparar umha exposiçom também comemorativa da saída ao prelo da revista. Como acto final, está a preparar-se um disco compilatório que reúna as cançons de Rádio Océano num só volume.