1 1 1 1 1 1 1 1 1 1 (1 Votos)

anttipGaliza - Diário Liberdade - Reproduzimos os textos de apoio de Causa Galiza e NÓS-UP à jornada de luita contra o Tratado Trasatlántico de Investimento e Comêrcio (TTIP)


Causa Galiza

A alternativa à miséria à que nos condena o TTIP é um Estado próprio em maos da maioria social

Funcionários da Uniom Europeia, Canadá e Estados Unidos negoceiam nos últimos meses à margem das instituiçons parlamentares o Transatlantic Trade and Investment Partnership popularmente já conhecido como TTIP. Trata-se, sinteticamente, dum acordo para afondar, ainda mais, na liberalizaçom da atividade empresarial e a subordinaçom dos Estados e os povos existentes às diretrizes do mafioso poder económico e financeiro internacional.

O TTIP, como denunciárom nas últimas semanas distintos agentes sociais, sindicais e políticos, pretende a desregularizaçom absoluta do mercado laboral, dando novos passos face a reduçom dos salários, a ampliaçom das jornadas e o retorno à escravidom em que o Governo espanhol é aluno avantajado. Balcom livre para deteriorizar a alimentaçom, liberalizar os transgénicos e privatizar os serviços e as prestaçons sociais completam a oferta detrás da que está o FMI; o BCE e a própria Uniom Europeia.

ttipcgzIndependência: a perspetiva no horizonte

Como pano de fundo, o salto qualitativo que alvisca o poder económcio e financeiro globalizado é arrombar definitivamente qualquer capacidade de decisom política territorializada que obstaculice os seus projetos e estratégias. Nem que dizer tem que se a situaçom em perspetiva é grave para os povos com institucionalidade própria, tornará-se insuportável para as naçons que, como a galega, carecemos de qualquer soberania política e mantemos relaçons históricas de dependência colonial.

Causa Galiza alenta o povo a saír para as ruas neste sábado para se manifestar contra o TTIP, mas fazendo-o com a única perspetiva resolutiva possível, que é exigindo um Estado próprio ao serviço da maioria social galega e a saída da Uniom Europeia e a Eurozona, três reivindicaçons imprescindíveis e complementares para fazermos efetiva e real a nossa independência e possuírmos a capacidade de decisom necessária para combatermos a ofensiva atual do Capital transnacional.

Na Terra, em 16 de abril de 2015

DMQE

Mesa Nacional de Causa Galiza


NÓS-UP

Jornada de mobilizaçons contra o TTIP este sábado 18 de abril

O próximo sábado, 18 de abril, celebrará-se a nível internacional umha jornada de protesta contra o Tratado Trasatlántico de Investimento e Comêrcio (TTIP) entre os EUA e a UE e o CETA.

O TTIP é umha das maiores ameaças das últimas décadas contra a soberania dos povos, os direitos laboráis ou os serviços públicos.

Desde NÓS-Unidade Popular apelamos a participar a esta jornada de protesta somando-nos às convocatórias realizadas pola CIG na Galiza.

Comunicado emitido por NÓS-UP em novembro de 2014 contra o TTIP:

Nom ao TTIP! A UE e os EUA contra a democracia, a soberania e os direitos dos povos


Horas e lugares previstos das mobilizaçons

- Corunha : 12:00 horas diante da Subdelegaçom do Governo.

- Ferrol: 12:00 horas horas na Praça do Hino.

- Compostela : 11.30 horas na Praça de Galiza.

- Lugo: 12:00 horas na Praça Maior.

- Ourense: 11.30 horas diante da Subdelegaçom do Governo.

- Ponte Vedra : 20:00 horas na Praça da Peregrina.

- Vila-Garcia : 12:00 horas na Praça de Galiza

- Vigo : Manifestaçom ás 20 horas, saída desde A Farola de Urzaiz.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.