Aviso importante: Para o Diário Liberdade poder continuar a dar voz a coletivos como este precisa do teu apoio na campanha de financiamento anual. Apoia agora, és necessária/o. Click aqui para saber como.

A manifestaçom tinha sido convocada pola CETEG em protesto pola reforma educativa de 2013, que prevê mudanças nas Escolas Normais e mesmo a eliminaçom dalgumhas delas. Os mestres bloqueárom a estrada do aeroporto de Acapulco por várias horas mas, após o fracasso das negociaçons, os efetivos de choque da polícia federal procedêrom ao desalojo com brutais cargas e gases lacrimogêneos. Durante os confrontos o professor Claudio Castillo Peña resultou ferido e foi trasladado ao hospital, onde posteriormente morreria a causa dum traumatismo crâneo-encefálico provocado polos golpes recebidos. Aliás, outras 14 pessoas fôrom também hospitalizadas com ferimentos de diversa consideraçom e 135 fôrom detidas, das quais 99 estám já em liberdade.

Castillo Peña, de 65 anos de idade, era professor reformado da Escola Normal Rural Raúl Isidro Burgos de Ayotzinapa, membro do Sindicato Único de Servidores Públicos do Estado de Guerrero (SUSPEG) e participante ativo nos atos de protesto pola desapariçom dos 43 estudantes normalistas no passado mês de setembro.

Após conhecer-se a notícia do assassinato fôrom convocados atos de condena, sendo o mais destacado a manifestaçom da CETEG em Chilpancingo, onde dous estudantes resultárom feridos por novas cargas policiais.