Os grandes lucros do grupo téxtil crescem ao mesmo ritmos que as denúncias de vulneraçons de direitos laborais por todo o mundo. Se anteriormente forom feitas públicas as condiçons de semi-escravatura en oficinas abastecedoras de Zara no Brasil, agora dam-se a conhecer as graves vulneraçons dos direitos laborais mais básicos em Marrocos.
Estas últimas denúncias partem da campanha Roupa Limpa, que procura melhorar as precárias condiçons de vida e trabalho das mulheres empregadas nos talheres textis em Tánger. No marco desta campanha elaborou-se o informe "A moda espanhola en Tánger: trabalho e supervivência das obreiras da confecçom", que denúncia mais de 65 horas de trabalho à semana por menos de 180 euros mensais.
A recurrente utilizaçom da tercerizaçom em condiçons de trabalho mais que precárias nom som exclusivas de Inditex. O informe alerta de que outras empresas espanholas do setor, tais como El Corte Inglés ou Cortefiel, recurremàs mesmas práticas.