Assim, as declaraçons do comissário europeu da Economia e do vice-presidente da Comissom Europeia tracejárom nos últimas dias as linhas mestras das reclamaçons futuras.

Porém, ambos os responsáveis insistem em que nom se exigirám novas reformas, insistem em que se solicitará a agilizaçom e profundizaçom das já aprovadas. Assim, todo aponta a que o novo regate se traduzirá em novos cortes das pensons e nos gastos da administraçom pública, a reduçom das prestaçons por desemprego e, ainda, umha intensificaçom dos aspetos mais prejudiciais da reforma laboral.

Segundo informaçons filtradas aos meios comerciais por parte do executivo europeu, a reforma das pensons adiantará o atraso da idade de jubilaçom aos 67 anos, ampliará o período do cômputo para perceber e calcular a pensom e introduzirá o chamado "fator de sustenibilidade", que se traduzirá numha revisom permanente dos sistema público sob a lógica do aumento da esperança de vida.

No que se refere à prestaçom por desemprego, o governo espanhol estuda umha reduçom do período em que o trabalhador desfruta da mesma, dos 24 atuais para 15 ou 18 meses.